“Liverpul” himoyachisi Ibrahima Konate faoliyatini “Real”da davom ettirishi mumkin. Bu haqda AS xabar berdi.

Manbaga ko‘ra, fransiyalik 26 yoshli futbolchi mersisaydliklar bilan shartnomani uzaytirish borasida o‘ylagani yo‘q.

Ingliz klubi ham Konatening jamoani tark etishga qaror qilganidan xabardor.

“Liverpul” futbolchini tekinga qo‘yib yuborishni xohlamayapti va uning transferidan 50 mln yevro ishlab olmoqchi.

Qayd etilishicha, “Real” kelasi yilda shartnomasi yakunlanadigan himoyachi uchun buncha summani to‘lashga tayyor emas.

Madridliklar Konateni erkin sifatida o‘z safiga qo‘shib olmoqchi.