“Ливерпуль” ҳимоячиси Ибраҳима Конате фаолиятини “Реал”да давом эттириши мумкин. Бу ҳақда AS хабар берди.
Манбага кўра, франциялик 26 ёшли футболчи мерсисайдликлар билан шартномани узайтириш борасида ўйлагани йўқ.
Инглиз клуби ҳам Конатенинг жамоани тарк этишга қарор қилганидан хабардор.
“Ливерпуль” футболчини текинга қўйиб юборишни хоҳламаяпти ва унинг трансферидан 50 млн евро ишлаб олмоқчи.
Қайд этилишича, “Реал” келаси йилда шартномаси якунланадиган ҳимоячи учун бунча суммани тўлашга тайёр эмас.
Мадридликлар Конатени эркин сифатида ўз сафига қўшиб олмоқчи.
