“Fenerbaxche” “Arsenal” vingeri Leandro Trossardning transferiga qiziqish bildirmoqda. Bu haqda Goal nashri xabar berdi.

Manbaga ko‘ra, Turkiya klubi bosh murabbiyi Joze Mourino belgiyalik 30 yoshli futbolchi o‘z jamoasida ko‘rishni xohlaydi.

Trossardning “Arsenal” bilan bitimi 2026 yilning yoziga qadar mo‘ljallangan. “To‘pchilar” Leandroni sotib yuborishga tayyor.

Futbolchining transfer bahosi 20 million yevroni tashkil etmoqda.

O‘tgan mavsumda Trossard London klubi safida barcha turnirlarda 56 ta o‘yinda maydonga tushib, 10 ta gol urdi va 10 ta golli uzatmani amalga oshirdi.