“Фенербахче” “Арсенал” вингери Леандро Троссарднинг трансферига қизиқиш билдирмоқда. Бу ҳақда Goal нашри хабар берди.
Манбага кўра, Туркия клуби бош мураббийи Жозе Моуриньо бельгиялик 30 ёшли футболчи ўз жамоасида кўришни хоҳлайди.
Троссарднинг “Арсенал” билан битими 2026 йилнинг ёзига қадар мўлжалланган. “Тўпчилар” Леандрони сотиб юборишга тайёр.
Футболчининг трансфер баҳоси 20 миллион еврони ташкил этмоқда.
Ўтган мавсумда Троссард Лондон клуби сафида барча турнирларда 56 та ўйинда майдонга тушиб, 10 та гол урди ва 10 та голли узатмани амалга оширди.
