“Barselona” klubi yarim himoyachi Fermin Lopes bo‘yicha bir qarorga keldi. Bu haqda AS xabar berdi.

Manbaga ko‘ra, katalonliyaliklar 22 yoshli futbolchi bo‘yicha ko‘plab takliflar bo‘lishiga qaramay, sotmoqchi emas.

Unga “Chelsi” jiddiy qiziqish bildirmoqda. London klubi Lopes transferi uchun 75 million yevro taklif qilgan. Biroq Xans-Diter Flik yangi mavsum rejalariga Ferminni kiritgan va uni jamoada qolishini xohlamoqda.

Futbolchi shu kunga qadar “Barselona” safida 88 ta o‘yinda maydonga tushib, 19 ta gol urgan va 11 ta golli uzatmani amalga oshirgan.