“Барселона” клуби ярим ҳимоячи Фермин Лопес бўйича бир қарорга келди. Бу ҳақда AS хабар берди.

Манбага кўра, каталонлияликлар 22 ёшли футболчи бўйича кўплаб таклифлар бўлишига қарамай, сотмоқчи эмас.

Унга “Челси” жиддий қизиқиш билдирмоқда. Лондон клуби Лопес трансфери учун 75 миллион евро таклиф қилган. Бироқ Ханс-Дитер Флик янги мавсум режаларига Ферминни киритган ва уни жамоада қолишини хоҳламоқда.

Футболчи шу кунга қадар “Барселона” сафида 88 та ўйинда майдонга тушиб, 19 та гол урган ва 11 та голли узатмани амалга оширган.