«Наполи» ҳужумчиcи Ромелу Лукаку фаолиятини Туркия Суперлигасида давом эттириши мумкин. Бу ҳақда Sabah журналистлари хабар бермоқда.
Манбанинг маълумотларига кўра, Истанбулнинг «Бешиктош» клуби юлдуз ҳужумчини ўз сафига қўшиб олмоқчи.
Туркия клуби 33 ёшли Лукакунинг трансфери учун беш миллион евро таклиф қилмоқда. Неаполь томони эса бельгиялик форвардни 10 миллион еврога баҳоламоқда.
Италия чемпионатининг ўтган мавсумида Ромелу «Наполи» сафида бешта ўйинда майдонга тушиб, битта гол урди.
Ҳужумчининг шартномаси келаси йилнинг июнь ойи охиригача мўлжалланган. Transfermarkt унинг қийматини 6 миллион еврога баҳоламоқда.
