«Барселона» клуби «Боруссия Д» ҳужумчиси Карим Адейемини сотиб олиш бўйича расмий таклиф билан чиққан. Бу ҳақда Marca ва Sky Sports нашрлари хабар берди.

Манбаларга кўра, «Барселона» 23 ёшли футболчи учун 20 миллион евро таклиф қилган. Бироқ дортмундликлар ушбу маблағни жуда паст деб ҳисоблаб, таклифни рад этган.

Ўтган мавсумда Адейеми барча турнирлар доирасида 39 та учрашувда иштирок этиб, 10 та гол урди ва 6 та голли узатма амалга оширди.

Футболчининг «Боруссия» билан амалдаги шартномаси 2027 йил ёзигача тузилган. Transfermarkt портали унинг бозор қийматини 40 миллион евро деб баҳоламоқда.