Madridning "Real" klubida jamoada ishlashni istamayotgan futbolchilarga qarshi kurash boshlandi. Klub rahbariyati va murabbiy Xabi Alonso futbolchilarga "Jamoa uchun 100 foiz borini bermagan har qanday insonga qiyin bo‘ladi," degan fikrni yetkazishga harakat qilmoqda. Bundan tashqari, Marca xabariga ko‘ra, "qaymoqranglilar" bosslari murabbiyga o‘zi xohlagan har qanday o‘yinchini, jumladan, asosiy yulduzlarni ham zaxira o‘rindig‘iga o‘tqazishi mumkinligini tushuntirgan.

"Jamoa uchun ishlash" deganda, shubhasiz, mudofaa harakatlari va pressingda ishtirok etish nazarda tutiladi. Bu muammo Karlo Anchelotti davrida "Real"ning so‘nggi mavsumdagi muvaffaqiyatsizliklarining asosiy sabablaridan biri hisoblangan va Xabi Alonso vaziyatni o‘nglash va to‘psiz o‘yinda birdamlikka erishish niyatida ekanligini bir necha bor ta’kidlagan.