"Manchester Yunayted"ning afsonaviy sobiq futbolchisi Rio Ferdinand Londonning "Arsenal" klubi muxlislarining xatti-harakatlarini tushunmayapti.

"To‘pchilar" "Chelsi" vingeri Noni Maduekeni o‘z safiga qo‘shib olishga yaqin turibdi. "Arsenal"ning ba’zi muxlislari 23 yoshli futbolchining tez orada kelishi haqidagi xabarlardan shunchalik norozi bo‘lishganki, bu kelishuvga qarshi petisiya tuzishgan.

"Men hech qachon bunday narsani ko‘rmaganman va umid qilamanki, boshqa ko‘rmayman. Tasavvur qiling, bu sizning eng yaqin do‘stingiz, oilangizdan kimdir, aka-uka, o‘g‘lingiz... Endi esa bunday xatti-harakatlar qurboniga aylanganingizda o‘zingizni qanday his qilishingizni tasavvur qiling," - deya Ferdinandning so‘zlarini keltiradi Arsenal News Channel.

Ma’lumotlarga qaraganda, Noni Maduekening transferi "Arsenal"ga 60 mln yevroga tushadi.