"Манчестер Юнайтед"нинг афсонавий собиқ футболчиси Рио Фердинанд Лондоннинг "Арсенал" клуби мухлисларининг хатти-ҳаракатларини тушунмаяпти.
"Тўпчилар" "Челси" вингери Нони Мадуэкени ўз сафига қўшиб олишга яқин турибди. "Арсенал"нинг баъзи мухлислари 23 ёшли футболчининг тез орада келиши ҳақидаги хабарлардан шунчалик норози бўлишганки, бу келишувга қарши петиция тузишган.
"Мен ҳеч қачон бундай нарсани кўрмаганман ва умид қиламанки, бошқа кўрмайман. Тасаввур қилинг, бу сизнинг энг яқин дўстингиз, оилангиздан кимдир, ака-ука, ўғлингиз... Энди эса бундай хатти-ҳаракатлар қурбонига айланганингизда ўзингизни қандай ҳис қилишингизни тасаввур қилинг," - дея Фердинанднинг сўзларини келтиради Arsenal News Channel.
Маълумотларга қараганда, Нони Мадуэкенинг трансфери "Арсенал"га 60 млн еврога тушади.
