«Реал»нинг бўлажак бош мураббийи Жозе Моуринью «Арсенал» ва Италия терма жамоаси ҳимоячиси Риккардо Калафьорини ўз жамоасида кўришни истамоқда. Бу ҳақда журналист Рамон Альварес де Мон хабар берди.
Манбага кўра, Мураббий футболчининг универсаллигидан ҳайратда қолган: Калафьори ҳам марказий ҳимояда, ҳам чап қанотда ўйнай олади.
Қайд этиш жоизки, италиялик футболчининг «Арсенал» билан амалдаги шартномаси яна уч йилга мўлжалланган. Ўтган мавсумда Калафьори «канонирлар» сафида жами 36 та ўйинда майдонга тушиб, 1 та гол ва 3 та голли узатмага муаллифлик қилди ҳамда Англия чемпионига айланди.
