"Real"ning sobiq futbolchisi Michel Salgado yarim himoyachi Jud Bellingemning o‘yin pozisiyasi haqida gapirdi.

Salgadoning so‘zlariga ko‘ra, u Bellingemni orqada emas, balki ko‘proq hujumkor rolda ko‘rishni xohlaydi.

"Men Bellingemni raqib jarima maydoniga yaqinroq ko‘rmoqchiman. Uning to‘p izlab ortga qaytishini va hujumlarni tashkil etishda ko‘p ishtirok etishini istamayman. Birinchi mavsumdayoq u raqib jarima maydonchasida o‘ynashda o‘ziga xos iste’dodi borligini ko‘rsatdi. O‘ylaymanki, Xabi Alonso unga bu rolni beradi. U Vinisius va Mbappedan keyin asosiy o‘yinchi bo‘ladi. Yangi mavsumda o‘tgan mavsumga nisbatan boshqa Bellingemni ko‘ramiz - biz uning eng yaxshi versiyasini ko‘rmoqdamiz," - dedi Salgado.

Yaqin oylarda Jud Bellingem o‘ynamaydi. Futbolchi yelkasidagi muammolar tufayli operasiya qilinadi.