"Реал"нинг собиқ футболчиси Мичель Сальгадо ярим ҳимоячи Жуд Беллингемнинг ўйин позицияси ҳақида гапирди.
Сальгадонинг сўзларига кўра, у Беллингемни орқада эмас, балки кўпроқ ҳужумкор ролда кўришни хоҳлайди.
"Мен Беллингемни рақиб жарима майдонига яқинроқ кўрмоқчиман. Унинг тўп излаб ортга қайтишини ва ҳужумларни ташкил этишда кўп иштирок этишини истамайман. Биринчи мавсумдаёқ у рақиб жарима майдончасида ўйнашда ўзига хос истеъдоди борлигини кўрсатди. Ўйлайманки, Хаби Алонсо унга бу ролни беради. У Винисиус ва Мбаппедан кейин асосий ўйинчи бўлади. Янги мавсумда ўтган мавсумга нисбатан бошқа Беллингемни кўрамиз - биз унинг энг яхши версиясини кўрмоқдамиз," - деди Сальгадо.
Яқин ойларда Жуд Беллингем ўйнамайди. Футболчи елкасидаги муаммолар туфайли операция қилинади.
