Londonning "Chelsi" klubi himoyachisi Malo Gyusto klublar o‘rtasidagi jahon chempionati - 2025 g‘olibligidan keyin jamoadoshi Koul Palmerning o‘yiniga baho berdi.
"Koul har doim bosiq va kamgap. Lekin u o‘z so‘zini qachon aytishni biladi. Jamoamizda shunday futbolchisini borligidan xursandmiz. Uni hozir mutlaqo hamma biladi. Bu top darajadagi futbolchi," - deya himoyachining so‘zlarini keltiradi FIFA matbuot xizmati.
Eslatib o‘tamiz, "Chelsi" va "PSJ" jamoalari o‘rtasidagi final bahsi "aristokratlar"ning yirik 3:0 hisobidagi g‘alabasi bilan yakunlangan edi. Klublar o‘rtasidagi jahon chempionatining hal qiluvchi o‘yinida Palmer ikkita gol urdi va bitta golli uzatmani amalga oshirdi. U KO‘JCHning eng yaxshi o‘yinchisi deb topildi.
