Лондоннинг "Челси" клуби ҳимоячиси Мало Гюсто клублар ўртасидаги жаҳон чемпионати - 2025 ғолиблигидан кейин жамоадоши Коул Палмернинг ўйинига баҳо берди.
"Коул ҳар доим босиқ ва камгап. Лекин у ўз сўзини қачон айтишни билади. Жамоамизда шундай футболчисини борлигидан хурсандмиз. Уни ҳозир мутлақо ҳамма билади. Бу топ даражадаги футболчи," - дея ҳимоячининг сўзларини келтиради ФИФА матбуот хизмати.
Эслатиб ўтамиз, "Челси" ва "ПСЖ" жамоалари ўртасидаги финал баҳси "аристократлар"нинг йирик 3:0 ҳисобидаги ғалабаси билан якунланган эди. Клублар ўртасидаги жаҳон чемпионатининг ҳал қилувчи ўйинида Палмер иккита гол урди ва битта голли узатмани амалга оширди. У КЎЖЧнинг энг яхши ўйинчиси деб топилди.
