Amerikaning Apollo Global Management xususiy investisiya kompaniyasi Migel Anxel Xil Marin bilan "Atletiko"ga ko‘p million dollarlik sarmoya kiritish bo‘yicha muzokaralar olib bormoqda. Bu haqda bir nechta manbalarga tayanib, Expansion xabar berdi.
Marin klubga egalik qiluvchi Atlético Holdco kompaniyasining asosiy aksiyadori bo‘lib, 70,39% ulushga ega. Manbalardan birining xabar berishicha, Apollo kompaniyasi Atlético Holdco aksiyalarining nazorat paketini sotib olishdan manfaatdor, biroq barchasi muzokaralarning borishiga bog‘liq bo‘ladi.
