"Krasnodar" yarim himoyachisi Eduard Spersyan "Jirona"ga o‘tishga rozilik berdi. Armenie Football xabariga ko‘ra, tez orada Ispaniya va Rossiya klublari vakillari uchrashib, bo‘lajak transfer tafsilotlarini muhokama qilishadi.

Eslatib o‘tamiz, bir necha kun oldin, 17 iyul kuni 25 yoshli futbolchining "PSJ"da o‘ynashi mumkinligi haqida mish-mishlar tarqalgan edi, ammo endi La Liga klubi ustuvor variantga aylandi.

RPL-2024/25 mavsumida Spersyan "buqalar" safida 28 ta o‘yinda maydonga tushib, 11 ta gol va 7 ta golli uzatmani amalga oshirdi va krasnodarliklarga chempionlikni qo‘lga kiritishga yordam berdi. Krasnodarliklar tarbiyalanuvchisi g‘alabali mavsumda jamoaning asosiy o‘yinchisiga aylandi.