"Краснодар" ярим ҳимоячиси Эдуард Сперцян "Жирона"га ўтишга розилик берди. Armenie Football хабарига кўра, тез орада Испания ва Россия клублари вакиллари учрашиб, бўлажак трансфер тафсилотларини муҳокама қилишади.
Эслатиб ўтамиз, бир неча кун олдин, 17 июль куни 25 ёшли футболчининг "ПСЖ"да ўйнаши мумкинлиги ҳақида миш-мишлар тарқалган эди, аммо энди Ла Лига клуби устувор вариантга айланди.
РПЛ-2024/25 мавсумида Сперцян "буқалар" сафида 28 та ўйинда майдонга тушиб, 11 та гол ва 7 та голли узатмани амалга оширди ва краснодарликларга чемпионликни қўлга киритишга ёрдам берди. Краснодарликлар тарбияланувчиси ғалабали мавсумда жамоанинг асосий ўйинчисига айланди.
