"Barselona" yarim himoyachisi Frenki de Yong katta ehtimol bilan klub bilan yangi shartnoma imzolaydi.

Muzokaralar to‘xtatilishiga to‘g‘ri keldi, chunki niderlandiyalik futbolchi o‘z agenti Ali Dursun bilan hamkorlikni to‘xtatdi. Jurnalist Fernando Poloning yozishicha, ayni damda "Barselona" de Yongning yangi shartnomasini muhokama qiladigan hech kimga ega bo‘lmasa-da, klubdagilar xotirjamlikni saqlamoqda va futbolchining shartnomasi tez orada uzaytirilishiga shubha qilmayapti.

Eslatib o‘tamiz, Frenki de Yongning amaldagi shartnomasi 2026 yilning yarmigacha mo‘ljallangan. Avvalroq, 28 yoshli xavbek Kataloniya grandi bilan kelishuvni uzaytirishni istayotgani haqida xabarlar tarqalgan edi.