Matbuot yarim himoyachi Rodrini "Real" qiziqishlari bilan bog‘lamoqda. "Oltin to‘p" sohibini Madrid klubi prezidenti Florentino Peres o‘z safiga qo‘shib olmoqchi ekani aytilgandi. "Qaymoqranglilar" transfer uchun 100 million yevro atrofida mablag‘ ajratishga tayyor.
"Manchester Siti" esa "Real"ning Rodri bilan qiziqishi fonida futbolchi bilan shartnomani uzaytirish uchun bor kuchini sarflamoqda. Bu haqda Mundo Deportivo nashriga tayanib, Transfer News Live xabar bermoqda. "Shaharliklar" yarim himoyachini yo‘qotishni rejalashtirmayapti.
29 yoshli Rodrining "Manchester Siti" bilan amaldagi shartnomasi yana ikki mavsumga - 2027 yilning yarmigacha mo‘ljallangan. Transfermarkt portali futbolchini 110 million yevroga baholamoqda.
