Markus Reshford "Barselona"da 14-raqam ostida harakat qiladi.
Avvalroq, 27 yoshli forvard kataloniyaliklar bilan shartnoma imzolagani xabar qilingandi. "Blaugrana" "Manchester Yunayted" futbolchisini sotib olish huquqi bilan ijaraga oladi. Futbolchining transferi bugun rasman e’lon qilinishi kerak.
Diario Sport xabariga ko‘ra, britaniyalik futbolchi 2025/26 yilgi mavsumda 14-raqam ostida to‘p tepadi. Reshford "Barselona"da o‘zining kumiri Tyerri Anri o‘ynagan raqamni tanladi.
Qayd etilishicha, Markus 2015/16 yilgi mavsumda ham "Yunayted" U-21 jamoasida ushbu raqam ostida to‘p tepgan.
U mankunianliklarning asosiy jamoasida 19 va 10-raqamli futbolkalarda ham harakat qilgan.
