"Yuventus" yarim himoyachisi Ueston Makkenni klub bilan shartnomasini uzaytirish borasida muzokaralar olib bormoqda.

Manbaga ko‘ra, turinliklar bilan kelishuvi bir yildan keyin yakuniga yetadigan 26 yoshli futbolchi jamoada qolishni istamoqda. Uning vakillari may oyining boshidan beri bu borada ish olib bormoqda, ammo yangi shartnomaning moliyaviy tarkibi bo‘yicha "keksa senyora" rahbariyati bilan hozircha kelisha olmayapti. Vaziyatni "Milan" va "Napoli" kuzatib bormoqda, ular Makkennini o‘z safiga chorlamoqchi.

U o‘tgan mavsumda barcha musobaqalarda 48 ta o‘yinda maydonga tushib, 5 ta gol urgan va 4 ta golga hammualliflik qilgan.