"Ювентус" ярим ҳимоячиси Уэстон Маккенни клуб билан шартномасини узайтириш борасида музокаралар олиб бормоқда.
Манбага кўра, туринликлар билан келишуви бир йилдан кейин якунига етадиган 26 ёшли футболчи жамоада қолишни истамоқда. Унинг вакиллари май ойининг бошидан бери бу борада иш олиб бормоқда, аммо янги шартноманинг молиявий таркиби бўйича "кекса сеньора" раҳбарияти билан ҳозирча келиша олмаяпти. Вазиятни "Милан" ва "Наполи" кузатиб бормоқда, улар Маккеннини ўз сафига чорламоқчи.
У ўтган мавсумда барча мусобақаларда 48 та ўйинда майдонга тушиб, 5 та гол урган ва 4 та голга ҳаммуаллифлик қилган.
