Aleksandr Isak "Liverpul"ga o‘tishga tayyor.
Avvalroq hujumchi "Nyukasl" rahbariyatiga faoliyatini boshqa klubda davom ettirish variantlarini ko‘rib chiqish istagini bildirgani xabar qilingandi. Yugo Ekitike bilan shartnoma imzolaganiga qaramay, "Liverpul" unga qiziqish bildirmoqda.
Jurnalist Ben Jeykobsning so‘zlariga ko‘ra, shvesiyalik futbolchi "Liverpul"ga o‘tishga tayyor va taklif bo‘lsa xursand bo‘ladi. Biroq uning "qizillar" bilan shartnoma shartlarini kelishib olgani haqidagi mish-mishlar haqiqatga to‘g‘ri kelmaydi.
"Mersisaydliklar" futbolchi vakillari bilan bog‘lanishdi va Ekitike transferidan oldin ham ular "Nyukasl"ga Isak uchun Britaniya uchun rekord summa to‘lashga tayyor ekanliklarini ochiq aytishdi.
Qayd etilishicha, "Liverpul" hali ham APL moliyaviy qoidalarini buzmagan holda forvardni "o‘rtacha narxda" qo‘lga kiritishga qodir. Luis Dias va Darvin Nunyesning mumkin bo‘lgan sotuvi "qizillar"ga juda katta mablag‘ olib kelishi mumkin.
"Qarg‘alar" esa baribir Isakning yangi shartnoma imzolashini istaydi. Muammo shundaki, hujumchi istagan haftasiga 300 000 funt maosh klub uchun juda yuqori va futbolchi hali muzokara o‘tkazishga tayyorligini ko‘rsatmagan.
"Nyukasl" Isak ketsa, muqobil variantlarni o‘rganmoqda.
