Angliyaning "Aston Villa" klubi Dominik Kalvert-Lyuin bilan shartnoma imzolashni istagan klublar qatoriga qo‘shildi. Bu haqda The Sun xabar bermoqda.

U "Everton"da 9 yil o‘tkazdi, shundan so‘ng jamoani erkin agent sifatida tark etdi. "Villa" ustozi Unai Emeri hujum chizig‘idagi imkoniyatlarini kuchaytirishga harakat qilayotgani bois, jamoa vakillari Lyuinning moliyaviy talablari bilan qiziqdi.

Bu xarid foydali (futbolchining bozor narxi 16 million yevro) va ayni paytda tejamkor deb baholanmoqda, chunki Lyuin katta maosh so‘ramaydi.

O‘tgan mavsumda u klub miqyosida 26 ta o‘yin o‘tkazib, 2 ta gol urdi va 3 ta golli uzatmani amalga oshirdi. Futbolchi jarohati tufayli yanvardan aprelgacha maydonga tushmadi.