"Nyukasl" Ugo Ekitikeni sotib olish uchun kurashda "Liverpul"ga yutqazdi. "Qizillar" "qarg‘alar" forvardi Aleksandr Isakni ham o‘z safiga qo‘shib olishga yaqin turibdi.
Shuni inobatga olgan "Nyukasl" e’tiborini "RB Leypsig" hujumchisi Benyamin Sheshkoga qaratdi. Foot Mercato nashri tarqatgan xabarga ko‘ra "qarg‘alar" sloveniyalik futbolchi uchun 73 million yevrolik taklif tayyorlamoqda.
Eslatib o‘tamiz, Benyamin Sheshko 2023 yilning yozida "RB Zalsburg"dan 24 million yevro evaziga "RB Leypsig"ga o‘tgan edi. Bu vaqt ichida 22 yoshli sloveniyalik nemis klubi safida barcha musobaqalarda 87 ta o‘yinda maydonga tushib, 39 ta gol urdi va 8 ta golli uzatmani amalga oshirdi.













