"Ньюкасл" Уго Экитикени сотиб олиш учун курашда "Ливерпуль"га ютқазди. "Қизиллар" "қарғалар" форварди Александр Исакни ҳам ўз сафига қўшиб олишга яқин турибди.
Шуни инобатга олган "Ньюкасл" эътиборини "РБ Лейпциг" ҳужумчиси Беньямин Шешкога қаратди. Foot Mercato нашри тарқатган хабарга кўра "қарғалар" словениялик футболчи учун 73 миллион евролик таклиф тайёрламоқда.
Эслатиб ўтамиз, Беньямин Шешко 2023 йилнинг ёзида "РБ Зальцбург"дан 24 миллион евро эвазига "РБ Лейпциг"га ўтган эди. Бу вақт ичида 22 ёшли словениялик немис клуби сафида барча мусобақаларда 87 та ўйинда майдонга тушиб, 39 та гол урди ва 8 та голли узатмани амалга оширди.
