Niderlandiyalik mashhur sobiq hujumchi Robin van Persi "Barselona"da o‘ynashni xohlaganini tan oldi.

Sobiq forvard "Feyenoord", Londonning "Arsenal", "Manchester Yunayted" va "Fenerbaxche" klublarida o‘ynagan, Kataloniya superklubida esa harakat qilmagan.

"Men har doim "Barsa"da o‘ynashni xohlaganman. 2015 yilda, "Fenerbaxche"ga kelganimdan bir necha oy o‘tib, o‘sha paytdagi agentim "Barselona" men uchun transfer bo‘yicha muzokaralar olib borayotganini aytdi. Transfer juda real edi, lekin bir muncha vaqt o‘tgach, hech narsa chiqmasligi ma’lum bo‘ldi. To‘g‘risini aytsam, u yerga o‘tishni juda xohlagandim," - deya 2019 yilda faoliyatini yakunlagan niderlandiyalikning so‘zlarini keltiradi ispan OAV.

Ayni paytda Robin van Persi "Feyenoord" bosh murabbiyi sifatida ishlamoqda.