"Yuventus" markaziy himoyachisi Tyagu Jalo murabbiylar shtabida ijobiy taassurot qoldirdi.

Portugaliyalik o‘tgan mavsumni "Portu"da ijarada muvaffaqiyatsiz o‘tkazdi va uning tez orada "Yuventus"dan ketishi deyarli aniq edi, ammo vaziyat o‘zgarishi mumkin. Jurnalist Jovanni Albanezening yozishicha, 25 yoshli futbolchi mavsumoldi yig‘inlari boshida Igor Tudor va uning yordamchilarini mashg‘ulotlardagi ishi bilan hayratda qoldirgan. "Keksa sinyora" rahbariyati markaziy himoyachi bilan hamkorlikni davom ettirish imkoniyatini jiddiy ko‘rib chiqishi mumkin.

"Yuventus" Tyagu Djaloni 2024 yilning yanvarida "Lill"dan sotib olgandi. Transfermarkt portali futbolchining transfer qiymatini 8 mln yevroga baholamoqda, uning turinliklar bilan shartnomasi kelasi yilning yarmigacha amal qiladi.