"Ювентус" марказий ҳимоячиси Тьягу Жало мураббийлар штабида ижобий таассурот қолдирди.

Португалиялик ўтган мавсумни "Порту"да ижарада муваффақиятсиз ўтказди ва унинг тез орада "Ювентус"дан кетиши деярли аниқ эди, аммо вазият ўзгариши мумкин. Журналист Жованни Альбанезенинг ёзишича, 25 ёшли футболчи мавсумолди йиғинлари бошида Игор Тудор ва унинг ёрдамчиларини машғулотлардаги иши билан ҳайратда қолдирган. "Кекса синьора" раҳбарияти марказий ҳимоячи билан ҳамкорликни давом эттириш имкониятини жиддий кўриб чиқиши мумкин.

"Ювентус" Тьягу Джалони 2024 йилнинг январида "Лилль"дан сотиб олганди. Transfermarkt портали футболчининг трансфер қийматини 8 млн еврога баҳоламоқда, унинг туринликлар билан шартномаси келаси йилнинг ярмигача амал қилади.