Xorvatiyalik himoyachi Chaleta-Sar kelasi mavsumni Ispaniyaning "Real Sosyedad" klubi safida o‘tkazadi. Bu haqda Fransiyaning L’Equipe nashri xabar bermoqda.
Manbaga ko‘ra, "Lion" 28 yoshli futbolchini 4 million yevroga sotib olish huquqi bilan ijaraga yuboradi. Shu tariqa, "Lion" maoshlar fondini yengillashtirib, transfer bozoridagi faoliyatini davom ettirishi mumkin bo‘ladi.
O‘tgan mavsumda himoya markazida harakat qilayotgan futbolchi klub miqyosida 28 ta o‘yin o‘tkazib, 9 ta ogohlantirish oldi, 1 ta gol urdi va 1 ta golli uzatmani amalga oshirdi. "Lion"dan tashqari, Chaleta-Sar "Shibenik", "Marsel", "Sautgempton" va boshqa ba’zi klublarda o‘ynagan.
