Хорватиялик ҳимоячи Чалета-Цар келаси мавсумни Испаниянинг "Реал Сосьедад" клуби сафида ўтказади. Бу ҳақда Франциянинг L’Equipe нашри хабар бермоқда.

Манбага кўра, "Лион" 28 ёшли футболчини 4 миллион еврога сотиб олиш ҳуқуқи билан ижарага юборади. Шу тариқа, "Лион" маошлар фондини енгиллаштириб, трансфер бозоридаги фаолиятини давом эттириши мумкин бўлади.

Ўтган мавсумда ҳимоя марказида ҳаракат қилаётган футболчи клуб миқёсида 28 та ўйин ўтказиб, 9 та огоҳлантириш олди, 1 та гол урди ва 1 та голли узатмани амалга оширди. "Лион"дан ташқари, Чалета-Цар "Шибеник", "Марсель", "Саутгемптон" ва бошқа баъзи клубларда ўйнаган.