Niderlandiyaning "Ayaks" klubi allaqachon Yorrel Xatoni "Chelsi"ga sotishdan olinishi kerak bo‘lgan pulni qayerga sarflash haqida o‘ylamoqda. Maqsadlardan biri sifatida "Borussiya M" futbolchisi Ko Itakura tilga olingan.
28 yoshli yaponiyalik allaqachon "Ayaks" vakillari bilan dastlabki muzokaralarni o‘tkazgan. Uning ehtimoliy transferi 10 million yevroga baholanmoqda.
O‘tgan mavsumda Itakura klub miqyosida 33 ta o‘yinda maydonga tushib, 5 ta ogohlantirish oldi, 4 ta gol urdi va 1 ta golli uzatmani amalga oshirdi. U o‘tmishda "Groningen" va "Shalke-04" futbolchisi bo‘lgan, shuningdek, "Manchester Siti" tarkibida ham o‘ynagan.
