Нидерландиянинг "Аякс" клуби аллақачон Йоррель Хатони "Челси"га сотишдан олиниши керак бўлган пулни қаерга сарфлаш ҳақида ўйламоқда. Мақсадлардан бири сифатида "Боруссия М" футболчиси Ко Итакура тилга олинган.
28 ёшли япониялик аллақачон "Аякс" вакиллари билан дастлабки музокараларни ўтказган. Унинг эҳтимолий трансфери 10 миллион еврога баҳоланмоқда.
Ўтган мавсумда Итакура клуб миқёсида 33 та ўйинда майдонга тушиб, 5 та огоҳлантириш олди, 4 та гол урди ва 1 та голли узатмани амалга оширди. У ўтмишда "Гронинген" ва "Шальке-04" футболчиси бўлган, шунингдек, "Манчестер Сити" таркибида ҳам ўйнаган.
