Milanning "Inter" klubi asosiy himoyachilaridan biri Denzel Dyumfrisning kelajagidan xavotirda emas.
La Gazzetta Dello Sport xabariga ko‘ra, "neradzurrilar" niderlandiyalik futbolchiga "Barselona", "Manchester Yunayted" va "Aston Villa" qiziqish bildirayotganiga qaramay uni bu yozda o‘z safida saqlab qolishiga ishonchi komil.
Dyumfrisning amaldagi shartnomasi 2028 yil yozigacha mo‘ljallangan. Uning shartnomasida iyul oyida 25 million yevroga sotib olish bandi bor edi, ammo hech qaysi klub undan foydalanmadi.













