Миланнинг "Интер" клуби асосий ҳимоячиларидан бири Дензел Дюмфриснинг келажагидан хавотирда эмас.
La Gazzetta Dello Sport хабарига кўра, "нерадзуррилар" нидерландиялик футболчига "Барселона", "Манчестер Юнайтед" ва "Астон Вилла" қизиқиш билдираётганига қарамай уни бу ёзда ўз сафида сақлаб қолишига ишончи комил.
Дюмфриснинг амалдаги шартномаси 2028 йил ёзигача мўлжалланган. Унинг шартномасида июль ойида 25 миллион еврога сотиб олиш банди бор эди, аммо ҳеч қайси клуб ундан фойдаланмади.













