"Barselona" 19 yoshli o‘ng qanot himoyachisi Ektor Fortni qo‘yib yuborishga tayyor. Bu haqda Mundo Deportivo nashri xabar bermoqda.

Manbaga ko‘ra, ispaniyalik futbolchiga "Milan", Dortmundning "Borussiya" va "Ayaks" klublari qiziqish bildirmoqda.

Ta’kidlanishicha, Fort jamoaning mavsumoldi tayyorgarligi davomida "ko‘k-anorranglilar" tarkibidan joy olish uchun kurashishga tayyor. Biroq, himoyachi Kataloniya klubini tark etishiga to‘g‘ri kelishi ehtimoli yo‘q emas.

Fort "Barselona" akademiyasi tarbiyalanuvchisi hisoblanadi. O‘tgan mavsumda himoyachi barcha musobaqalarda 21 ta o‘yinda maydonga tushdi va ularda golda qatnasha olmadi. Futbolchining klub bilan mehnat shartnomasi 2026 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 10 mln yevroni tashkil etadi.