"Барселона" 19 ёшли ўнг қанот ҳимоячиси Эктор Фортни қўйиб юборишга тайёр. Бу ҳақда Mundo Deportivo нашри хабар бермоқда.
Манбага кўра, испаниялик футболчига "Милан", Дортмунднинг "Боруссия" ва "Аякс" клублари қизиқиш билдирмоқда.
Таъкидланишича, Форт жамоанинг мавсумолди тайёргарлиги давомида "кўк-анорранглилар" таркибидан жой олиш учун курашишга тайёр. Бироқ, ҳимоячи Каталония клубини тарк этишига тўғри келиши эҳтимоли йўқ эмас.
Форт "Барселона" академияси тарбияланувчиси ҳисобланади. Ўтган мавсумда ҳимоячи барча мусобақаларда 21 та ўйинда майдонга тушди ва уларда голда қатнаша олмади. Футболчининг клуб билан меҳнат шартномаси 2026 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 10 млн еврони ташкил этади.
