"Roma" va "Manchester Siti" klublari hujumkor yarim himoyachi Klaudio Echeverri bo‘yicha muzokaralarni davom ettirmoqda.
Rimliklar 19 yoshli futbolchining ijarasini rasmiylashtirmoqchi. "Bo‘rilar"ning avvalgi taklifi rad etilgan, chunki "shaharliklar"ni ehtimoliy to‘lov summasi - 25 mln yevro qoniqtirmagan. Corriere dello Sport xabariga ko‘ra, endi "Roma" yaxshilangan shartlarni taklif qildi: sotib olish imkoniyati - 33 mln yevro, shuningdek, "Siti" futbolchini 40 mln yevroga birinchi navbatda sotib olish huquqiga ega bo‘ladi.
Klaudio Echeverriga "Jirona" da’vogarlik qilayotgandi, ammo argentinalik kataloniyaliklar taklifini rad etdi va "Roma"ga o‘tish niyatida ekanligini bildirdi.
2024 yil boshida "Manchester Siti" "River Pleyt"dan 18,5 million yevro evaziga istiqbolli xavbekni sotib oldi.













