"Рома" ва "Манчестер Сити" клублари ҳужумкор ярим ҳимоячи Клаудио Эчеверри бўйича музокараларни давом эттирмоқда.
Римликлар 19 ёшли футболчининг ижарасини расмийлаштирмоқчи. "Бўрилар"нинг аввалги таклифи рад этилган, чунки "шаҳарликлар"ни эҳтимолий тўлов суммаси - 25 млн евро қониқтирмаган. Corriere dello Sport хабарига кўра, энди "Рома" яхшиланган шартларни таклиф қилди: сотиб олиш имконияти - 33 млн евро, шунингдек, "Сити" футболчини 40 млн еврога биринчи навбатда сотиб олиш ҳуқуқига эга бўлади.
Клаудио Эчеверрига "Жирона" даъвогарлик қилаётганди, аммо аргентиналик каталонияликлар таклифини рад этди ва "Рома"га ўтиш ниятида эканлигини билдирди.
2024 йил бошида "Манчестер Сити" "Ривер Плейт"дан 18,5 миллион евро эвазига истиқболли хавбекни сотиб олди.
