"Bavariya" Emirates bilan homiylik shartnomasini imzoladi.
Myunxen klubi va Emirates aviakompaniyasi o‘rtasida 2031/32 yilgi mavsum oxirigacha mo‘ljallangan uzoq muddatli shartnoma imzolandi.
Hamkorlik, birinchi navbatda, Bundesliganing barcha o‘yinlari paytida "Alyans Arena" stadioni bo‘ylab reklamalarni joylashtirishni o‘z ichiga oladi. Shuningdek, ikkala kompaniyaning ijtimoiy tarmoqlari va raqamli kanallarida qo‘shma tadbirlar o‘tkazilishi ko‘zda tutilgan.
Bundan tashqari, "Bavariya" kelajakda Emirates samolyotlaridan foydalanishi mumkin, ayniqsa Yaqin Sharq yoki Osiyoga uzoq masofali reyslar uchun.
Bild xabariga ko‘ra, kelishuv shartlariga ko‘ra, klubning yillik daromadi 5 million yevroni tashkil etadi.
