"Бавария" Emirates билан ҳомийлик шартномасини имзолади.
Мюнхен клуби ва Emirates авиакомпанияси ўртасида 2031/32 йилги мавсум охиригача мўлжалланган узоқ муддатли шартнома имзоланди.
Ҳамкорлик, биринчи навбатда, Бундеслиганинг барча ўйинлари пайтида "Альянц Арена" стадиони бўйлаб рекламаларни жойлаштиришни ўз ичига олади. Шунингдек, иккала компаниянинг ижтимоий тармоқлари ва рақамли каналларида қўшма тадбирлар ўтказилиши кўзда тутилган.
Бундан ташқари, "Бавария" келажакда Emirates самолётларидан фойдаланиши мумкин, айниқса Яқин Шарқ ёки Осиёга узоқ масофали рейслар учун.
Bild хабарига кўра, келишув шартларига кўра, клубнинг йиллик даромади 5 миллион еврони ташкил этади.
