"Nyukasl" hujumchisi Aleksandr Isak hali ham "Liverpul"ga o‘tishi mumkin.
"Qarg‘alar" 25 yoshli futbolchini "qizillar"ga deyarli 130 mln yevroga sotishdan bosh tortdi, shundan so‘ng muzokaralar to‘xtatildi. Futbolchi taslim bo‘lmadi va o‘z so‘zida turib oldi - u "Liverpul"ga o‘tmoqchi va "Nyukasl"da o‘ynash niyatida emas.
Ayni paytda mersisaydliklar "qarg‘alar" yangi hujumchi sotib olishini kutmoqda, deya xabar bermoqda jurnalist Kreyg Xoup. "Nyukasl" shvesiyalik futbolchining o‘rniga boshqa futbolchi sotib olganidan so‘ng, "Liverpul" yangi, yaxshilangan taklif bilan qaytadi.
Katta ehtimol bilan Aleksandr Isakning transferi Angliya futboli tarixidagi eng qimmat transferga aylanadi.













