"Milan" bosh murabbiyi Massimiliano Allegri yarim himoyachi Yunus Musa borasidagi rejalari haqida bir qarorga keldi.
Amerikalik futbolchi o‘tgan mavsumda har doim ham "rossonerilar"ning asosiy tarkibida bo‘lmagan.
Matbuot 22 yoshli futbolchini "Napoli"ga o‘tishi bilan bog‘lamoqda, unga Angliyaning "Nottingem Forest" klubi ham qiziqish bildirmoqda, biroq Allegri yarim himoyachini o‘zida saqlab qolmoqchi, deya xabar beradi jurnalist Matteo Moretto.
Shu bilan birga, manbaning ta’kidlashicha, agar da’vogarlar 25 million yevrodan ko‘proq pul taklif qilsa, "Milan" uni sotishni ko‘rib chiqishi mumkin.
