Bugun Sport vazirligida sport maktablari faoliyatini muvofiqlashtirish bo‘limi boshlig‘i Muzaffarxo‘ja Rahmatxo‘jayev tomonidan sport maktablari faoliyatini rivojlantirishga bag‘ishlangan seminar tashkil etildi.
Seminarda Qoraqalpog‘iston Respublikasi, Toshkent shahri va viloyatlar sport boshqarmalarining ushbu yo‘nalishga mas’ul xodimlari ishtirok etdi.
O‘tkazilgan taqdimotlar davomida 2025/2026-o‘quv yili davomida amalga oshiriladigan ishlar, o‘zgartirish kiritilgan va yangidan ishlab chiqilgan nizomlar, sport maktablari murabbiylarini mahallalarga biriktirish va bu orqali ommaviy sportni yanada rivojlantirish bo‘yicha ma’lumotlar berildi.
Ishtirokchilar mavzu yuzasidan o‘zlarini qiziqtirgan savollar bilan murojaat qilib, mutaxassislardan atroflicha javoblar olishdi.
