"PSJ" chap vingeri Nunu Mendeshning fikricha, "Oltin to‘p" haqida doimiy gapirish jamoaga ta’sir qilmaydi.

22 sentyabr kuni topshiriladigan nufuzli sovrin uchun eng kuchli o‘ttizta nomzod qatoriga parijliklarning to‘qqiz nafar vakili, jumladan Mendeshning o‘zi ham kiritildi.

"Bu bizning ishimizga hech qanday ta’sir ko‘rsatmaydi. Jamoamizda hammasi yaxshi, bor e’tiborni bo‘lajak o‘yinga qaratganmiz.

Shaxsan men xotirjamman va o‘ylaymanki, hozir eng muhimi, jamoa o‘yinida g‘alaba qozonish", – dedi portugal.