"ПСЖ" чап вингери Нуну Мендешнинг фикрича, "Олтин тўп" ҳақида доимий гапириш жамоага таъсир қилмайди.
22 сентябрь куни топшириладиган нуфузли соврин учун энг кучли ўттизта номзод қаторига парижликларнинг тўққиз нафар вакили, жумладан Мендешнинг ўзи ҳам киритилди.
"Бу бизнинг ишимизга ҳеч қандай таъсир кўрсатмайди. Жамоамизда ҳаммаси яхши, бор эътиборни бўлажак ўйинга қаратганмиз.
Шахсан мен хотиржамман ва ўйлайманки, ҳозир энг муҳими, жамоа ўйинида ғалаба қозониш", – деди португал.













