«Ливерпуль» УЕФАнинг янги қоидаси туфайли Чемпионлар лигасининг кейинги мавсумида «Реал Мадрид»ни «Энфилд»да қабул қила олмайди. Регламентнинг 16.03-бандига кўра, лига босқичида жамоалар бир хил мезбонлик билан кетма-кет уч мавсум давомида бир жуфтликда ўйнай олмайди.
Жорий мавсумдаги учрашув «Энфилд»даги кетма-кет иккинчи ўйинга айланади. Ўтган мавсумда «Ливерпуль» мадридликларни 2:0 ҳисобида мағлуб этган эди.
Шу тариқа, 2026/27 мавсумида қуръа ташлаш вақтида УЕФА дастури «Ливерпуль» майдонидаги учрашув вариантини автоматик равишда блоклайди. Бироқ жамоалар «Сантьяго Бернабеу»да ёки плей-офф босқичида ўзаро тўқнаш келиши мумкин.
