Мадриднинг "Атлетико" клуби ҳужумчиси Хулиан Альвареснинг келажаги ҳамон ноаниқлигича қолмоқда.
Аргентиналик футболчи "Барселона"га ўтиш ниятида қатъий турибди. Бироқ "Атлетико" раҳбарияти уни деярли исталган клубга сотишга тайёр бўлса-да, айнан каталонияликларга қўйиб юборишни истамаяпти.
Журналист Гастон Эдуль фикрича, "Барселона" трансферни жойидан силжитиш учун янада фаолроқ ҳаракат қилиши керак.
"Хулиан саҳна ортида қўлидан келган барча ишни қиляпти. Аммо "Барселона" ҳам жараённи бироз олдинга суриши зарур. Улар таклиф қилган 100 миллион евродан кўпроқ пул беришлари керак. Яна бир қадам ташлаш шарт", — деди аргентиналик футбол бўйича ихтисослашган журналист.
Хулиан Альварес учун курашда "Арсенал" ҳам ҳали қолмоқда. Бироқ футболчининг ўзи Англияга қайтишга катта қизиқиш билдирмаяпти.
